dil par jo zakhm hain wo dikhaaen kisi ko kya

Dil par jo zakhm hain wo dikhaa.en kisee ko kya Apnaa shareek-e-dard banaa.en kisee ko kya Har shakhs apne apne ghamon men hai mubtalaa Zindaan men apne saath rulaa.en kisee ko kya BichhDe hue wo yaar wo chhoDe hue dayaar Rah rah ke ham ko yaad jo aa.en kisee ko kya Rone ko apne haal pe tanhaa.ee hai bahut Is anjuman men khud pe hansaa.en kisee ko kya Vo baat chheD jis men jhalaktaa ho sab kaa gham Yaaden kisee kee tujh ko sataa.en kisee ko kya So.e hue hain log to honge sukoon se Ham jaagne kaa rog lagaa.en kisee ko kya 'jaalib' na aa.egaa koi ahvaal poochhne Den shahr-e-be-hisaan men sadaa.en kisee ko kya Dil par jo zaKHm hain wo dikhaen kisi ko kya Apna sharik-e-dard banaen kisi ko kya Har shaKHs apne apne ghamon mein hai mubtala Zindan mein apne sath rulaen kisi ko kya BichhDe hue wo yar wo chhoDe hue dayar Rah rah ke hum ko yaad jo aaen kisi ko kya Rone ko apne haal pe tanhai hai bahut Is anjuman mein KHud pe hansaen kisi ko kya Wo baat chheD jis mein jhalakta ho sab ka gham Yaaden kisi ki tujh ko sataen kisi ko kya Soe hue hain log to honge sukun se Hum jagne ka rog lagaen kisi ko kya 'jalib' na aaega koi ahwal puchhne Den shahr-e-be-hisan mein sadaen kisi ko kya