ham ne sunaa tha sahn e chaman men kaif ke baadal chhaae hain

Ham ne sunaa tha sahn-e-chaman men kaif ke baadal chhaa.e hain Ham bhee ga.e the jee bahlaane ashk bahaa kar aa.e hain Phuul khile to dil murjhaa.e sham.a jale to jaan jale Ek tumhaaraa gham apna kar kitne gham apna.e hain Ek sulagtee yaad chamaktaa dard farozaan tanhaa.ee Poochh na us ke shahr se ham kya kya saughaaten laa.e hain So.e hue jo dard the dil men aansoo ban kar bah nikle Raat sitaaron kee chhaanv men yaad wo kya kya aa.e hain Aa.e bhee suraj Doob gaya be-noor ufuq ke saagar men Aaj bhee phuul chaman men tujh ko bin dekhe murjhaa.e hain Ek qayaamat kaa sannaaTaa ek balaa kee taareekee Un galiyon se duur na hanstaa chaand na raushan saa.e hain Pyaar kee bolee bol na 'jaalib' is bastee ke logon se Ham ne sukh kee kaliyaan kho kar dukh ke kaanTe paa.e hain Hum ne suna tha sahn-e-chaman mein kaif ke baadal chhae hain Hum bhi gae the ji bahlane ashk baha kar aae hain Phul khile to dil murjhae shama jale to jaan jale Ek tumhaara gham apna kar kitne gham apnae hain Ek sulagti yaad chamakta dard farozan tanhai Puchh na us ke shahr se hum kya kya saughaten lae hain Soe hue jo dard the dil mein aansu ban kar bah nikle Raat sitaron ki chhanw mein yaad wo kya kya aae hain Aae bhi suraj Dub gaya be-nur ufuq ke sagar mein Aaj bhi phul chaman mein tujh ko bin dekhe murjhae hain Ek qayamat ka sannaTa ek bala ki tariki Un galiyon se dur na hansta chand na raushan sae hain Pyar ki boli bol na 'jalib' is basti ke logon se Hum ne sukh ki kaliyan kho kar dukh ke kanTe pae hain