hasb e farmaaish main tujhe phuul kahuun aur kahuun bhanvaron se

Main tujhe phuul kahoon aur kahoon bhanvaron se Aao us phuul kaa ras chuus ke naacho-jhoomo Main tujhe sham.a kahoon aur kahoon parvaano Aao us sham.a ke honTon ko khushee se choomo Main tiree aankh ko tashbeeh duun maikhaane se Aur khud zahr-e-judaa.ee kaa talabgaar rahoon Ghair so.e tiree zulfon kee ghanee Chaaon men Aur main chaandnee raaton main faqat sher kahoon Mujh se ye tere qaseede na likhe jaa.enge Mujh se tere liye ye ghazlen na kahee jaa.engee Yaad men teree main sulgaa na sakoongaa aankhen Sakhtiyaan dard kee mujh se na sahee jaa.engee Shahr men aise musavvir hain jo sikkon ke evaz Husn men lailaa-o-azraa se baDhaa denge tujhe Tuul de kar tiree zulfon ko shab-e-gham kee tarah Fan ke e.ajaaz se naagin see banaa denge tujhe Tujh ko shahr kee zaroorat hai mohabbat kee mujhe Ai haseena tiree manzil miree manzil men nahin Naach ghar teree nigaahon men hain raqsaan lekin Is ta.ayyush kee tamannaa.en mire dil men nahin Dekh ke ghair ke pahloo men tujhe raqs-kunaan Bhiig jaatee hai miree aankh sarishk-e-gham se Mujh ko barson kee ghulaamee kaa khayaal aataa hai Jis ne andaaz-e-wafa chheen liyaa hai ham se Mujh ko bhanvraa na samajh mujh ko patangaa na samajh Mujh ko insaan samajh meree sadaaqat se na khel Teree tafreeh kaa saamaan na banoongaa hargiz Meree dunya hai yahee meree mohabbat se na khel Main tujhe phul kahun aur kahun bhanwaron se Aao us phul ka ras chus ke nacho-jhumo Main tujhe shama kahun aur kahun parwano Aao us shama ke honTon ko KHushi se chumo Main teri aankh ko tashbih dun maiKHane se Aur KHud zahr-e-judai ka talabgar rahun Ghair soe teri zulfon ki ghani chhanw mein Aur main chandni raaton main faqat sher kahun Mujh se ye tere qaside na likhe jaenge Mujh se tere liye ye ghazlen na kahi jaengi Yaad mein teri main sulga na sakunga aankhen SaKHtiyan dard ki mujh se na sahi jaengi Shahr mein aise musawwir hain jo sikkon ke ewaz Husn mein laila-o-azra se baDha denge tujhe Tul de kar teri zulfon ko shab-e-gham ki tarah Fan ke eajaz se nagin si bana denge tujhe Tujh ko shahr ki zarurat hai mohabbat ki mujhe Ai hasina teri manzil meri manzil mein nahin Nach ghar teri nigahon mein hain raqsan lekin Is tayyush ki tamannaen mere dil mein nahin Dekh ke ghair ke pahlu mein tujhe raqs-kunan Bhig jati hai meri aankh sarishk-e-gham se Mujh ko barson ki ghulami ka KHayal aata hai Jis ne andaz-e-wafa chhin liya hai hum se Mujh ko bhanwra na samajh mujh ko patanga na samajh Mujh ko insan samajh meri sadaqat se na khel Teri tafrih ka saman na banunga hargiz Meri duniya hai yahi meri mohabbat se na khel