jab koi kalii sehn e gulistaan men khilii hai

Jab koi kalee sehn-e-gulistaan men khilee hai Shabnam miree aankhon men vaheen tair ga.ee hai Jis kee sar-e-aflaak baDee dhuum machee hai Aashufta-saree hai miree aashufta-saree hai Apnee to ujaalon ko tarastee hain nigaahen Sooraj kahaan niklaa hai kahaan sub.h huee hai BichhDee huee raahon se jo guzre hain kabhi ham Har gaam pe khoee huee ik yaad milee hai Ik umr sunaa.en to hikaayat na ho puuree Do roz men ham par jo yahaan biit ga.ee hai Hansne pe na majboor karo log hansenge Haalaat kee tafseer to chehre pe likhee hai Mil jaa.en kaheen wo bhee to un ko bhee sunaa.en 'jaalib' ye ghazal jin ke liye ham ne kahee hai Jab koi kali sehn-e-gulistan mein khili hai Shabnam meri aankhon mein wahin tair gai hai Jis ki sar-e-aflak baDi dhum machi hai Aashufta-sari hai meri aashufta-sari hai Apni to ujalon ko tarasti hain nigahen Suraj kahan nikla hai kahan subh hui hai BichhDi hui rahon se jo guzre hain kabhi hum Har gam pe khoi hui ek yaad mili hai Ek umr sunaen to hikayat na ho puri Do roz mein hum par jo yahan bit gai hai Hansne pe na majbur karo log hansenge Haalat ki tafsir to chehre pe likhi hai Mil jaen kahin wo bhi to un ko bhi sunaen 'jalib' ye ghazal jin ke liye hum ne kahi hai