jamhuuriyat

Das karoD insaano! Zindagee se begaano! Sirf chand logon ne Haq tumhaaraa chheenaa hai Khaak aise jiine par Ye bhee koi jiinaa hai Be-shu.oor bhee tum ko Be-shu.oor kahte hain Sochtaa hoon ye naadaan Kis havaa men rahte hain Aur ye qaseeda-go Fikr hai yahee jin ko Haath men alam le kar Tum na uTh sako logo Kab talak ye khaamoshee Chalte-phirte zindano Das karoD insaano! Ye milen ye jaageeren Kis kaa Khoon piitee hain Barackon men ye faujen Kis ke bal pe jiitee hain Kis kee mehnaton kaa phal Daashtaa.en khaatee hain JhonpaDon se rone kee Kyuun sadaa.en aatee hain Jab shabaab par aa kar Khet lahlahaataa hai Kis ke nain rote hain Kaun muskuraataa hai Kaash tum kabhi samjho Kaash tum kabhi samjho Kaash tum kabhi jaano Das karoD insaano! Ilm-o-fan ke raste men LaaThiyon kee ye baaDen Collegon ke laDkon par Goliyon kee bauchhaaDen Ye kiraa.e ke ghunDe Yaadgaar-e-shab dekho Kis qadar bhayaanak hai Zulm kaa ye Dhab dekho Raqs-e-aatish-o-aahan Dekhte hee jaaoge Dekhte hee jaaoge Hosh men na aaoge Hosh men na aaoge Ai khamosh toofaano! Das karoD insaano! SaikDon hasan naasir Hain shikaar nafrat ke Sub.h-o-shaam luTte hain Qaafile mohabbat ke Jab se kaale baaghon ne Aadmee ko gheraa hai Mish.alen karo raushan Duur tak andheraa hai Mere des kee dhartee Pyaar ko tarastee hai Pattharon kee baarish hee Is pe kyuun barastee hai Mulk ko bachaao bhee Mulk ke nigahbaano Das karoD insaano! Bolne pe paabandee Sochne pe ta.azeeren Paanv men ghulaamee kee Aaj bhee hain zanjeeren Aaj harf-e-aakhir hai Baat chand logon kee Din hai chand logon kaa Raat chand logon kee UTh ke dard-mandon ke Sub.h-o-shaam badlo bhee Jis men tum nahin shaamil Vo nizaam badlo bhee Doston ko pahchaano Dushmanon ko pahchaano Das karoD insaano! Das karoD insano! Zindagi se begano! Sirf chand logon ne Haq tumhaara chhina hai KHak aise jine par Ye bhi koi jina hai Be-shuur bhi tum ko Be-shuur kahte hain Sochta hun ye nadan Kis hawa mein rahte hain Aur ye qasida-go Fikr hai yahi jin ko Hath mein alam le kar Tum na uTh sako logo Kab talak ye KHamoshi Chalte-phirte zindano Das karoD insano! Ye milen ye jagiren Kis ka KHun piti hain Barackon mein ye faujen Kis ke bal pe jiti hain Kis ki mehnaton ka phal Dashtaen khati hain JhonpaDon se rone ki Kyun sadaen aati hain Jab shabab par aa kar Khet lahlahata hai Kis ke nain rote hain Kaun muskuraata hai Kash tum kabhi samjho Kash tum kabhi samjho Kash tum kabhi jaano Das karoD insano! Ilm-o-fan ke raste mein LaThiyon ki ye baDen Collegon ke laDkon par Goliyon ki bauchhaDen Ye kirae ke ghunDe Yaadgar-e-shab dekho Kis qadar bhayanak hai Zulm ka ye Dhab dekho Raqs-e-atish-o-ahan Dekhte hi jaoge Dekhte hi jaoge Hosh mein na aaoge Hosh mein na aaoge Ai KHamosh tufano! Das karoD insano! SaikDon hasan nasir Hain shikar nafrat ke Subh-o-sham luTte hain Qafile mohabbat ke Jab se kale baghon ne Aadmi ko ghera hai Mishalen karo raushan Dur tak andhera hai Mere des ki dharti Pyar ko tarasti hai Pattharon ki barish hi Is pe kyun barasti hai Mulk ko bachao bhi Mulk ke nigahbano Das karoD insano! Bolne pe pabandi Sochne pe taziren Panw mein ghulami ki Aaj bhi hain zanjiren Aaj harf-e-aKHir hai Baat chand logon ki Din hai chand logon ka Raat chand logon ki UTh ke dard-mandon ke Subh-o-sham badlo bhi Jis mein tum nahin shamil Wo nizam badlo bhi Doston ko pahchano Dushmanon ko pahchano Das karoD insano!