jhuutii khabren ghadne vaale jhuute sher sunaane vaale

JhooTee khabren ghaDne vaale jhooTe she'r sunaane vaale Logo! sabr ki apne kiye kee jald sazaa hain paane vaale Dard aankhon se bahtaa hai aur chehra sab kuch kahtaa hai Ye mat likkho wo mat likkho aa.e baDe samjhaane vaale Khud kaaTenge apnee mushkil khud paa.enge apnee manzil Raahzanon se bhee bad-tar hain raah-numaa kahlaane vaale Un se pyaar kiyaa hai ham ne un kee raah men ham baiThe hain Naa-mumkin hai jin kaa milnaa aur nahin jo aane vaale Un par bhee hanstee thee dunya aavaazen kastee thee dunya 'jaalib' apnee hee soorat the 'ishq men jaan se jaane vaale JhuTi KHabren ghaDne wale jhuTe she'r sunane wale Logo! sabr ki apne kiye ki jald saza hain pane wale Dard aankhon se bahta hai aur chehra sab kuch kahta hai Ye mat likkho wo mat likkho aae baDe samjhane wale KHud kaTenge apni mushkil KHud paenge apni manzil Rahzanon se bhi bad-tar hain rah-numa kahlane wale Un se pyar kiya hai hum ne un ki rah mein hum baiThe hain Na-mumkin hai jin ka milna aur nahin jo aane wale Un par bhi hansti thi duniya aawazen kasti thi duniya 'jalib' apni hi surat the 'ishq mein jaan se jaane wale