kam puraanaa bahut nayaa tha firaaq
— Habib Jalib
Kam puraanaa bahut nayaa tha firaaq
Ik 'ajab ramz-aashnaa tha firaaq
Duur wo kab huaa nigaahon se
DhaDkanon men basaa huaa hai firaaq
Shaam-e-gham ke sulagte sahraa men
Ik umanDtee huee ghaTaa tha firaaq
Amn tha pyaar tha mohabbat tha
Rang tha nuur tha navaa tha firaaq
Faasle nafraton ke miT jaa.en
Pyaar hee pyaar sochtaa tha firaaq
Ham se ranj-o-alam ke maaron ko
Kis mohabbat se dekhtaa tha firaaq
'ishq insaaniyat se tha us ko
Har ta'assub se maavaraa tha firaaq
Kam purana bahut naya tha firaq
Ek 'ajab ramz-ashna tha firaq
Dur wo kab hua nigahon se
DhaDkanon mein basa hua hai firaq
Sham-e-gham ke sulagte sahra mein
Ek umanDti hui ghaTa tha firaq
Amn tha pyar tha mohabbat tha
Rang tha nur tha nawa tha firaq
Fasle nafraton ke miT jaen
Pyar hi pyar sochta tha firaq
Hum se ranj-o-alam ke maron ko
Kis mohabbat se dekhta tha firaq
'ishq insaniyat se tha us ko
Har ta'assub se mawara tha firaq