khuda hamaaraa hai

Khuda tumhaaraa nahin hai khuda hamaaraa hai Use zameen pe ye zulm kab gavaaraa hai Lahoo piyoge kahaan tak hamaaraa dhanvaano BaDhaao apnee dukaan seem-o-zar ke deevaano Nishaan kaheen na rahegaa tumhaaraa shaitaano Hamen yaqeen hai ki insaan us ko pyaaraa hai Khudaa tumhaaraa nahin hai khuda hamaaraa hai Use zameen pe ye zulm kab gavaaraa hai Na.e shu.oor kee hai raushnee nigaahon men Ik aag see bhee hai ab apnee sard aahon men Khilenge phuul nazar ke sahar kee baanhon men Dukhe dilon ko isee aas kaa sahaaraa hai Khudaa tumhaaraa nahin hai khuda hamaaraa hai Use zameen pe ye zulm kab gavaaraa hai Tilism-e-saaya-e-khauf-o-haraas toDenge Qadam baDhaa.enge zanjeer-e-yaas toDenge Kabhee kisee ke na ham dil kee aas toDenge Rahegaa yaad jo ahd-e-sitam guzaaraa hai Use zameen pe ye zulm kab gavaaraa hai KHuda tumhaara nahin hai KHuda hamara hai Use zamin pe ye zulm kab gawara hai Lahu piyoge kahan tak hamara dhanwano BaDhao apni dukan sim-o-zar ke diwano Nishan kahin na rahega tumhaara shaitano Hamein yaqin hai ki insan us ko pyara hai KHuda tumhaara nahin hai KHuda hamara hai Use zamin pe ye zulm kab gawara hai Nae shuur ki hai raushni nigahon mein Ek aag si bhi hai ab apni sard aahon mein Khilenge phul nazar ke sahar ki banhon mein Dukhe dilon ko isi aas ka sahaara hai KHuda tumhaara nahin hai KHuda hamara hai Use zamin pe ye zulm kab gawara hai Tilism-e-saya-e-KHauf-o-haras toDenge Qadam baDhaenge zanjir-e-yas toDenge Kabhi kisi ke na hum dil ki aas toDenge Rahega yaad jo ahd-e-sitam guzara hai Use zamin pe ye zulm kab gawara hai