laayal puur

Laayal-poor ik shahr hai jis men dil hai miraa aabaad DhaDkan dhaDkan saath rahegee us bastee kee yaad MeeThe bolon kee wo nagree geeton kaa sansaar Hanste-baste haa.e wo raste naghma-rez dayaar Vo galiyaan wo phuul wo kaliyaan rang-bhare baazaar Main ne un galiyon phoolon kaliyon se kiyaa hai pyaar Barg-e-aavaara men bikhree hai jis kee roodaad Laayal-poor ik shahr hai jis men dil hai miraa aabaad Koee nahin tha kaam mujhe phir bhee tha kitnaa kaam Un galiyon men phirte rahnaa din ko karnaa shaam Ghar ghar mere sher ke charche ghar ghar men badnaam Raaton ko dahleezon pe hee kar lenaa aaraam Dukh sahne men chup rehne men dil tha kitnaa shaad Laayal-poor ik shahr hai jis men dil hai miraa aabaad Main ne us nagree rah kar kya kya giit likhe Jin ke kaaran logon ke man men hai meree priit Ek lagan kee baat hai jeevan kaisee haar aur jiit Sab se mujh ko pyaar hai 'jaalib' sab hain mere miit Daad to un kee yaad hai mujh ko bhuul gaya be-daad Laayal puur ik shahr hai jis men dil hai miraa aabaad Layal-pur ek shahr hai jis mein dil hai mera aabaad DhaDkan dhaDkan sath rahegi us basti ki yaad MiThe bolon ki wo nagri giton ka sansar Hanste-baste hae wo raste naghma-rez dayar Wo galiyan wo phul wo kaliyan rang-bhare bazar Main ne un galiyon phulon kaliyon se kiya hai pyar Barg-e-awara mein bikhri hai jis ki rudad Layal-pur ek shahr hai jis mein dil hai mera aabaad Koi nahin tha kaam mujhe phir bhi tha kitna kaam Un galiyon mein phirte rahna din ko karna sham Ghar ghar mere sher ke charche ghar ghar mein badnam Raaton ko dahlizon pe hi kar lena aaram Dukh sahne mein chup rehne mein dil tha kitna shad Layal-pur ek shahr hai jis mein dil hai mera aabaad Main ne us nagri rah kar kya kya git likhe Jin ke karan logon ke man mein hai meri prit Ek lagan ki baat hai jiwan kaisi haar aur jit Sab se mujh ko pyar hai 'jalib' sab hain mere mit Dad to un ki yaad hai mujh ko bhul gaya be-dad Layal pur ek shahr hai jis mein dil hai mera aabaad