maulaanaa bahut main ne sunii hai aap ki taqriir maulaanaa

Bahut main ne sunee hai aap kee taqreer maulaanaa Magar badlee nahin ab tak miree taqdeer maulaanaa Khudaaraa shukr kee talqeen apne paas hee rakkhen Ye lagtee hai mire siine pe ban kar tiir maulaanaa Naheen main bol saktaa jhuuT is darja DhiTaa.ee se Yahee hai jurm meraa aur yahee taqseer maulaanaa Haqeeqat kya hai ye to aap jaanen yaa khuda jaane Sunaa hai jimmy-carter aap kaa hai piir maulaanaa Zameenen hon vaDeron kee masheenen hon luTeron kee Khudaa ne likh ke dee hai ye tumhen tahreer maulaanaa KaroDon kyuun nahin mil kar filisteen ke liye laDte Duaa hee se faqat kaTtee nahin zanjeer maulaanaa Bahut main ne suni hai aap ki taqrir maulana Magar badli nahin ab tak meri taqdir maulana KHudara shukr ki talqin apne pas hi rakkhen Ye lagti hai mere sine pe ban kar tir maulana Nahin main bol sakta jhuT is darja DhiTai se Yahi hai jurm mera aur yahi taqsir maulana Haqiqat kya hai ye to aap jaanen ya KHuda jaane Suna hai jimmy-carter aap ka hai pir maulana Zaminen hon waDeron ki mashinen hon luTeron ki KHuda ne likh ke di hai ye tumhein tahrir maulana KaroDon kyun nahin mil kar filistin ke liye laDte Dua hi se faqat kaTti nahin zanjir maulana