mulaaqaat jo ho na sakii baat wo chehron se ayaan thii

Jo ho na sakee baat wo chehron se ayaan thee Haalaat kaa maatam tha mulaaqaat kahaan thee Us ne na Thaharne diyaa pahron mire dil ko Jo teree nigaahon men shikaayat miree jaan thee Ghar men bhee kahaan chain se so.e the kabhi ham Jo raat hai zindaan men vahee raat vahaan thee Yaksaan hain miree jaan qafas aur nasheman Insaan kee tauqeer yahaan hai na vahaan thee Shaahon se jo kuch rabt na qaa.em huaa apna Aadat kaa bhee kuch jabr tha kuch apnee zabaan thee Sayyaad ne yoonhee to qafas men nahin Daalaa Mash.hoor gulistaan men bahut meree fughaan thee Too ek haqeeqat hai miree jaan miree hamdam Jo thee miree ghazlon men wo ik vahm-o-gumaan thee Mahsoos kiyaa main ne tire gham se gham-e-dahr Varna mire ash.aar men ye baat kahaan thee Jo ho na saki baat wo chehron se ayan thi Haalat ka matam tha mulaqat kahan thi Us ne na Thaharne diya pahron mere dil ko Jo teri nigahon mein shikayat meri jaan thi Ghar mein bhi kahan chain se soe the kabhi hum Jo raat hai zindan mein wahi raat wahan thi Yaksan hain meri jaan qafas aur nasheman Insan ki tauqir yahan hai na wahan thi Shahon se jo kuch rabt na qaem hua apna Aadat ka bhi kuch jabr tha kuch apni zaban thi Sayyaad ne yunhi to qafas mein nahin Dala Mashhur gulistan mein bahut meri fughan thi Tu ek haqiqat hai meri jaan meri hamdam Jo thi meri ghazlon mein wo ek wahm-o-guman thi Mahsus kiya main ne tere gham se gham-e-dahr Warna mere ashaar mein ye baat kahan thi