mushiir main ne us se ye kahaa

Main ne us se ye kahaa Ye jo das karoD hain Jahl kaa nichoD hain Un kee fikr so ga.ee Har umiid kee kiran Zulmaton men kho ga.ee Ye khabar durust hai Un kee maut ho ga.ee Be-shu.oor log hain Zindagee kaa rog hain Aur tere paas hai Un ke dard kee davaa Main ne us se ye kahaa Too khuda kaa nuur hai Aql hai shu.oor hai Qaum tere saath hai Tere hee vajood se Mulk kee najaat hai Too hai mahr-e-sub.h-e-nau Tere ba.ad raat hai Bolte jo chand hain Sab ye shar-pasand hain Un kee kheench le zabaan Un kaa ghonT de galaa Main ne us se ye kahaa Jin ko tha zabaan pe naaz Chup hain wo zabaan-daraaz Chain hai samaaj men Be-misaal farq hai Kal men aur aaj men Apne kharch par hain qaid Log tere raaj men Aadmee hai wo baDaa Dar pe jo rahe paDaa Jo panaah maang le Us kee bakhsh de khataa Main ne us se ye kahaa Har vazeer har safeer Be-nazeer hai musheer Vaah kya javaab hai Tere zehn kee qasam Khuub intikhaab hai Jaagtee hai afsaree Qaum mahv-e-khvaab hai Ye tiraa vazeer-khaan De raha hai jo bayaan PaDh ke un ko har koi Kah raha hai marhabaa Main ne us se ye kahaa Chiin apna yaar hai Us pe jaan-nisaar hai Par vahaan hai jo nizaam Us taraf na jaa.iyo Us ko duur se salaam Das karoD ye gad.he Jin kaa naam hai avaam Kyaa banenge hukmaraan Too ''yaqeen'' hai ye ''gumaan'' Apnee to duaa hai ye Sadr too rahe sadaa Main ne us se ye kahaa Main ne us se ye kaha Ye jo das karoD hain Jahl ka nichoD hain Un ki fikr so gai Har umid ki kiran Zulmaton mein kho gai Ye KHabar durust hai Un ki maut ho gai Be-shuur log hain Zindagi ka rog hain Aur tere pas hai Un ke dard ki dawa Main ne us se ye kaha Tu KHuda ka nur hai Aql hai shuur hai Qaum tere sath hai Tere hi wajud se Mulk ki najat hai Tu hai mahr-e-subh-e-nau Tere baad raat hai Bolte jo chand hain Sab ye shar-pasand hain Un ki khinch le zaban Un ka ghonT de gala Main ne us se ye kaha Jin ko tha zaban pe naz Chup hain wo zaban-daraaz Chain hai samaj mein Be-misal farq hai Kal mein aur aaj mein Apne KHarch par hain qaid Log tere raj mein Aadmi hai wo baDa Dar pe jo rahe paDa Jo panah mang le Us ki baKHsh de KHata Main ne us se ye kaha Har wazir har safir Be-nazir hai mushir Wah kya jawab hai Tere zehn ki qasam KHub intiKHab hai Jagti hai afsari Qaum mahw-e-KHwab hai Ye tera wazir-KHan De raha hai jo bayan PaDh ke un ko har koi Kah raha hai marhaba Main ne us se ye kaha Chin apna yar hai Us pe jaan-nisar hai Par wahan hai jo nizam Us taraf na jaiyo Us ko dur se salam Das karoD ye gadhe Jin ka nam hai awam Kya banenge hukmaran Tu yaqin hai ye guman Apni to dua hai ye Sadr tu rahe sada Main ne us se ye kaha