na dagmagaae kabhi ham wafa ke raste men

Na Dagmagaa.e kabhi ham wafa ke raste men Charaagh ham ne jalaa.e havaa ke raste men Kise lagaa.e gale aur kahaan kahaan Thahre Hazaar ghuncha-o-gul hain sabaa ke raste men Khudaa kaa naam koi le to chaunk uThte hain Mile hain ham ko wo rahbar khuda ke raste men Kaheen salaasil-e-tasbeeh aur kaheen zunnaar Bichhe hain daam bahut mudda.aa ke raste men Abhee wo manzil-e-fikr-o-nazar nahin aa.ee Hai aadmee abhee jurm o sazaa ke raste men Hain aaj bhee vahee daar-o-rasan vahee zindaan Har ik nigaah-e-rumooz-aashnaa ke raste men Ye nafraton kee faseelen jahaalaton ke hisaar Na rah sakenge hamaaree sadaa ke raste men MiTaa sake na koi sail-e-inqalaab jinhen Vo naqsh chhoDe hain ham ne wafa ke raste men Zamaana ek saa 'jaalib' sadaa nahin rahtaa Chalenge ham bhee kabhi sar uThaa ke raste men Na Dagmagae kabhi hum wafa ke raste mein Charagh hum ne jalae hawa ke raste mein Kise lagae gale aur kahan kahan Thahre Hazar ghuncha-o-gul hain saba ke raste mein KHuda ka nam koi le to chaunk uThte hain Mile hain hum ko wo rahbar KHuda ke raste mein Kahin salasil-e-tasbih aur kahin zunnar Bichhe hain dam bahut muddaa ke raste mein Abhi wo manzil-e-fikr-o-nazar nahin aai Hai aadmi abhi jurm o saza ke raste mein Hain aaj bhi wahi dar-o-rasan wahi zindan Har ek nigah-e-rumuz-ashna ke raste mein Ye nafraton ki fasilen jahaalaton ke hisar Na rah sakenge hamari sada ke raste mein MiTa sake na koi sail-e-inqalab jinhen Wo naqsh chhoDe hain hum ne wafa ke raste mein Zamana ek sa 'jalib' sada nahin rehta Chalenge hum bhi kabhi sar uTha ke raste mein