niilo tuu ki naa vaaqif e aadaab e shahanshaahii thii

Too ki naa-vaaqif-e-aadaab-e-shahanshaahee thee Raqs zanjeer pahan kar bhee kiyaa jaataa hai Tujh ko inkaar kee jur.at jo huee to kyoonkar Saaya-e-shaah men is tarah jiyaa jaataa hai Ahl-e-sarvat kee ye tajveez hai sarkash laDkee Tujh ko darbaar men koDon se nachaayaa jaa.e Naachte naachte ho jaa.e jo paa.el khaamosh Phir na taa-zeest tujhe hosh men laayaa jaa.e Log is manzar-e-jaankaah ko jab dekhenge Aur baDh jaa.egaa kuch satvat-e-shaahee kaa jalaal Tere anjaam se har shakhs ko ibrat hogee Sar uThaane kaa re.aayaa ko na aa.egaa khayaal Tab-e-shaahaana pe jo log giraan hote hain Haan unhen zahr bharaa jaam diyaa jaataa hai Too ki naa-vaaqif-e-aadaab-e-shahanshaahee thee Raqs zanjeer pahan kar bhee kiyaa jaataa hai Tu ki na-waqif-e-adab-e-shahanshahi thi Raqs zanjir pahan kar bhi kiya jata hai Tujh ko inkar ki jurat jo hui to kyunkar Saya-e-shah mein is tarah jiya jata hai Ahl-e-sarwat ki ye tajwiz hai sarkash laDki Tujh ko darbar mein koDon se nachaya jae Nachte nachte ho jae jo pael KHamosh Phir na ta-zist tujhe hosh mein laya jae Log is manzar-e-jaankah ko jab dekhenge Aur baDh jaega kuch satwat-e-shahi ka jalal Tere anjam se har shaKHs ko ibrat hogi Sar uThane ka reaya ko na aaega KHayal Tab-e-shahana pe jo log giran hote hain Han unhen zahr bhara jam diya jata hai Tu ki na-waqif-e-adab-e-shahanshahi thi Raqs zanjir pahan kar bhi kiya jata hai