phir dil se aa rahii hai sadaa us galii men chal

Phir dil se aa rahi hai sadaa us galee men chal Shaayad mile ghazal kaa pataa us galee men chal Kab se nahin huaa hai koi sher kaam kaa Ye sher kee nahin hai fazaa us galee men chal Vo baam o dar wo log wo rusvaa.iyon ke zakhm Hain sab ke sab aziiz judaa us galee men chal Us phuul ke baghair bahut jee udaas hai Mujh ko bhee saath le ke sabaa us galee men chal Duniyaa to chaahtee hai yoonhee faasle rahen Duniyaa ke mashvaron pe na jaa us galee men chal Be-noor o be-asar hai yahaan kee sadaa-e-saaz Thaa us sukoot men bhee mazaa us galee men chal 'jaalib' pukaartee hain wo sholaa-navaa.iyaan Ye sard rut ye sard havaa us galee men chal Phir dil se aa rahi hai sada us gali mein chal Shayad mile ghazal ka pata us gali mein chal Kab se nahin hua hai koi sher kaam ka Ye sher ki nahin hai faza us gali mein chal Wo baam o dar wo log wo ruswaiyon ke zaKHm Hain sab ke sab aziz juda us gali mein chal Us phul ke baghair bahut ji udas hai Mujh ko bhi sath le ke saba us gali mein chal Duniya to chahti hai yunhi fasle rahen Duniya ke mashwaron pe na ja us gali mein chal Be-nur o be-asar hai yahan ki sada-e-saz Tha us sukut mein bhi maza us gali mein chal 'jalib' pukarti hain wo shola-nawaiyan Ye sard rut ye sard hawa us gali mein chal