phir kabhi laut kar na aaenge
— Habib Jalib
Phir kabhi lauT kar na aa.enge
Ham tiraa shahr chhoD jaa.enge
Door-uftaada bastiyon men kaheen
Teree yaadon se lau lagaa.enge
Sham-e-maah-o-nujoom gul kar ke
Aansuon ke diye jalaa.enge
Aakhiree baar ik ghazal sun lo
Aakhiree baar ham sunaa.enge
Soorat-e-mauja-e-havaa 'jaalib'
Saaree dunya kee khaak uDaa.enge
Phir kabhi lauT kar na aaenge
Hum tera shahr chhoD jaenge
Dur-uftada bastiyon mein kahin
Teri yaadon se lau lagaenge
Sham-e-mah-o-nujum gul kar ke
Aansuon ke diye jalaenge
AaKHiri bar ek ghazal sun lo
AaKHiri bar hum sunaenge
Surat-e-mauja-e-hawa 'jalib'
Sari duniya ki KHak uDaenge