roe bhagat kabiir puuchh na kya lahore men dekhaa ham ne miyaan naziir

Poochh na kya lahore men dekhaa ham ne miyaan-'nazeer' Pahnen suiT angrezee bolen aur kahlaa.en 'meer' Chaudhariyon kee muTThee men hai shaa.ir kee taqdeer Ro.e bhagat kabeer Ik-dooje ko jaahil samjhen naT-khaT buddheevaan Metro men jo chaa.e pilaa.e bas wo baap samaan Sab se achchhaa shaa.ir wo hai jis kaa yaar mudeer Ro.e bhagat kabeer SaDkon par bhooke phirte hain shaa.ir mauseeqaar Actorson ke baap liye phirte hain motor-kaar Film-nagar tak aa pahunche hain sayyad piir faqeer Ro.e bhagat kabeer Laal-deen kee koThee dekhee rang bhee jis kaa laal Shahr men rah kar khuub uDaa.e dahqaanon kaa maal Aur kahe ajdaad ne bakhshee mujh ko ye jaageer Ro.e bhagat kabeer Jis ko dekho leader hai aur se milo vakeel Kisee tarah bhartaa hee nahin hai peT hai un kaa jhiil Majbooran sunnaa paDtee hai un sab kee taqdeer Ro.e bhagat kabeer Mahfil se jo uTh kar jaa.e kahlaa.e wo bor Apnee masjid kee taareefen baaqee joote-chor Apnaa jhang bhalaa hai pyaare jahaan hamaaree hiir Ro.e bhagat kabeer Puchh na kya lahore mein dekha hum ne miyan-'nazir' Pahnen suiT angrezi bolen aur kahlaen 'mir' Chaudhariyon ki muTThi mein hai shair ki taqdir Roe bhagat kabir Ik-duje ko jahil samjhen naT-khaT buddhiwan Metro mein jo chae pilae bas wo bap saman Sab se achchha shair wo hai jis ka yar mudir Roe bhagat kabir SaDkon par bhuke phirte hain shair mausiqar Actorson ke bap liye phirte hain motor-kar Film-nagar tak aa pahunche hain sayyad pir faqir Roe bhagat kabir Lal-din ki koThi dekhi rang bhi jis ka lal Shahr mein rah kar KHub uDae dahqanon ka mal Aur kahe ajdad ne baKHshi mujh ko ye jagir Roe bhagat kabir Jis ko dekho leader hai aur se milo wakil Kisi tarah bharta hi nahin hai peT hai un ka jhil Majburan sunna paDti hai un sab ki taqdir Roe bhagat kabir Mahfil se jo uTh kar jae kahlae wo bor Apni masjid ki tarifen baqi jute-chor Apna jhang bhala hai pyare jahan hamari hir Roe bhagat kabir