sahaafii se qaum ki behtarii kaa chhod khayaal

Qaum kee behtaree kaa chhoD khayaal Fikr-e-ta.ameer-e-mulk dil se nikaal Teraa parcham hai teraa dast-e-savaal Be-zameeree kaa aur kya ho ma.aal Ab qalam se izaar-band hee Daal Tang kar de ghareeb par ye zameen Kham hee rakh aastaan-e-zar pe jabeen Aib kaa daur hai hunar kaa nahin Aaj husn-e-kamaal ko hai zavaal Ab qalam se izaar-band hee Daal Kyuun yahaan sub.h-e-nau kee baat chale Kyuun sitam kee siyaah raat Dhale Sab baraabar hain aasmaan ke tale Sab ko raj.at-pasand kah kar Taal Ab qalam se izaar-band hee Daal Naam se peshtar lagaa ke amiir Har musalmaan ko banaa ke faqeer Qasr-o-aivaan men ho qayaam-pazeer Aur khutbon men de 'umar' kee misaal Ab qalam se izaar-band hee Daal Aamariyyat kee ham-navaa.ee men Teraa ham-sar nahin khudaai men Baadshaahon kee rahnumaa.ee men Roz islaam kaa juloos nikaal Ab qalam se izaar-band hee Daal Laakh honTon pe dam hamaaraa ho Aur dil sub.h kaa sitaaraa ho Saamne maut kaa nazaaraa ho Likh yahee Thiik hai mareez kaa haal Ab qalam se izaar-band hee Daal Qaum ki behtari ka chhoD KHayal Fikr-e-tamir-e-mulk dil se nikal Tera parcham hai tera dast-e-sawal Be-zamiri ka aur kya ho maal Ab qalam se izar-band hi Dal Tang kar de gharib par ye zamin KHam hi rakh aastan-e-zar pe jabin Aib ka daur hai hunar ka nahin Aaj husn-e-kamal ko hai zawal Ab qalam se izar-band hi Dal Kyun yahan subh-e-nau ki baat chale Kyun sitam ki siyah raat Dhale Sab barabar hain aasman ke tale Sab ko rajat-pasand kah kar Tal Ab qalam se izar-band hi Dal Nam se peshtar laga ke amir Har musalman ko bana ke faqir Qasr-o-aiwan mein ho qayam-pazir Aur KHutbon mein de 'umar' ki misal Ab qalam se izar-band hi Dal Aamariyyat ki ham-nawai mein Tera ham-sar nahin KHudai mein Baadshahon ki rahnumai mein Roz islam ka julus nikal Ab qalam se izar-band hi Dal Lakh honTon pe dam hamara ho Aur dil subh ka sitara ho Samne maut ka nazara ho Likh yahi Thik hai mariz ka haal Ab qalam se izar-band hi Dal