salaam logo salaam ai dil figaar logo

Salaam ai dil-figaar logo Salaam ai ashk-baar logo Tumhee ne apna vatan bachaayaa Tumhee ne baatil kaa sar jhukaayaa Bujhaa ke sham-e-hayaat apnee Vafaa kee raahon ko jagmagaayaa Magar ye dil ro ke kah raha hai Lahoo tumhaaraa na rang laayaa Vahee hai shab kaa hisaar logo Salaam ai ashk-baar logo Gulon kee vaadee lahoo lahoo hai Fughaan kee awaaz chaar-soo hai Hain is qadar tishna-kaam mai-kash Har ek lab par suboo suboo hai Nishaan-e-manzil hai khoyaa khoyaa LuTaa luTaa shahr-e-aarzoo hai Bujhe bujhe hain dayaar logo Salaam ai ashk-baar logo Tumhaare dam se haree zameenen Khushee se daaman-bharee masheenen Hain us ke baa-vasf bheegee bheegee Tumhaaree ashkon se aasteenen Main sochtaa hoon rahengee kab tak Sitam ke aage jhukee jabeenen UThaao sar sogvaar logo Salaam ai ashk-baar logo Salam ai dil-figar logo Salam ai ashk-bar logo Tumhi ne apna watan bachaya Tumhi ne baatil ka sar jhukaya Bujha ke sham-e-hayat apni Wafa ki rahon ko jagmagaya Magar ye dil ro ke kah raha hai Lahu tumhaara na rang laya Wahi hai shab ka hisar logo Salam ai ashk-bar logo Gulon ki wadi lahu lahu hai Fughan ki aawaz chaar-su hai Hain is qadar tishna-kaam mai-kash Har ek lab par subu subu hai Nishan-e-manzil hai khoya khoya LuTa luTa shahr-e-arzu hai Bujhe bujhe hain dayar logo Salam ai ashk-bar logo Tumhaare dam se hari zaminen KHushi se daman-bhari mashinen Hain us ke ba-wasf bhigi bhigi Tumhaari ashkon se aastinen Main sochta hun rahengi kab tak Sitam ke aage jhuki jabinen UThao sar sogwar logo Salam ai ashk-bar logo