shahr e zulmaat ko sabaat nahin

Ai nizaam-e-kohan ke farzando Ai shab-e-taar ke jigar-bando Ye shab-e-taar jaavedaan to nahin Ye shab-e-taar jaane vaalee hai Taa-ba-kai teergee ke afsaane Sub.h-e-nau muskuraane vaalee hai Ai shab-e-taar ke jigar-gosho Ai sahr-dushmano sitam-gosho Sub.h kaa aaftaab chamkegaa TuuT jaa.egaa jahl kaa jaadoo Phail jaa.egee in dayaaron men Ilm-o-daanish kee raushnee har-soo Ai shab-e-taar ke nigahbaano Sham-e-ahd-e-ziyaan ke parvaano Shahr-e-zulmaat ke sanaa-khvaano Shahr-e-zulmaat ko sabaat nahin Aur kuch der sub.h par hans lo Aur kuch der koi baat nahin Ai nizam-e-kohan ke farzando Ai shab-e-tar ke jigar-bando Ye shab-e-tar jawedan to nahin Ye shab-e-tar jaane wali hai Ta-ba-kai tirgi ke afsane Subh-e-nau muskurane wali hai Ai shab-e-tar ke jigar-gosho Ai sahr-dushmano sitam-gosho Subh ka aaftab chamkega TuT jaega jahl ka jadu Phail jaegi in dayaron mein Ilm-o-danish ki raushni har-su Ai shab-e-tar ke nigahbano Sham-e-ahd-e-ziyan ke parwano Shahr-e-zulmat ke sana-KHwano Shahr-e-zulmat ko sabaat nahin Aur kuch der subh par hans lo Aur kuch der koi baat nahin