tere hone se

Dil kee konpal haree tere hone se hai Zindagee zindagee tere hone se hai Kisht-zaaron men too kaar-khaanon men too In zameenon men too aasmaanon men too Sher men nasr men daastaanon men too Shahr o sahraa men too aur chaTaanon men too Husn-e-soorat-garee tere hone se hai Zindagee zindagee tere hone se hai Tujh se hai aafreenash numoo irtiqaa Tujh se hain qaafile raaste rahnumaa Too na hotee to kya tha chaman kya sabaa Kaise kaTtaa safar dard kaa yaas kaa Aas kee raushnee tere hone se hai Zindagee zindagee tere hone se hai Khauf o nafrat kee har had miTaane nikal Aql-o-daanish kee sham.en jalaane nikal Zer-daston kee himmat bandhaane nikal Ham-khayaal aur apne banaane nikal Ab kushaa be-kasee tere hone se hai Zindagee zindagee tere hone se hai Dil ki konpal hari tere hone se hai Zindagi zindagi tere hone se hai Kisht-zaron mein tu kar-KHanon mein tu In zaminon mein tu aasmanon mein tu Sher mein nasr mein dastanon mein tu Shahr o sahra mein tu aur chaTanon mein tu Husn-e-surat-gari tere hone se hai Zindagi zindagi tere hone se hai Tujh se hai aafrinash numu irtiqa Tujh se hain qafile raste rahnuma Tu na hoti to kya tha chaman kya saba Kaise kaTta safar dard ka yas ka Aas ki raushni tere hone se hai Zindagi zindagi tere hone se hai KHauf o nafrat ki har had miTane nikal Aql-o-danish ki shamen jalane nikal Zer-daston ki himmat bandhane nikal Ham-KHayal aur apne banane nikal Ab kusha be-kasi tere hone se hai Zindagi zindagi tere hone se hai