terii aankhon kaa ajab turfa samaan dekhaa hai

Teree aankhon kaa ajab turfa samaan dekhaa hai Ek aalam tiree jaanib nigraan dekhaa hai Kitne anvaar simaT aa.e hain in aankhon men Ik tabassum tire honTon pe ravaan dekhaa hai Ham ko aavaara o bekaar samajhne vaalo Tum ne kab is but-e-kaafir ko javaan dekhaa hai Sehn-e-gulshan men ki anjum kee tarab-gaahon men Tum ko dekhaa hai kaheen jaane kahaan dekhaa hai Vahee aavaara o deevaana o aashufta-mizaaj Ham ne 'jaalib' ko sar-e-koo-e-butaan dekhaa hai Teri aankhon ka ajab turfa saman dekha hai Ek aalam teri jaanib nigran dekha hai Kitne anwar simaT aae hain in aankhon mein Ek tabassum tere honTon pe rawan dekha hai Hum ko aawara o bekar samajhne walo Tum ne kab is but-e-kafir ko jawan dekha hai Sehn-e-gulshan mein ki anjum ki tarab-gahon mein Tum ko dekha hai kahin jaane kahan dekha hai Wahi aawara o diwana o aashufta-mizaj Hum ne 'jalib' ko sar-e-ku-e-butan dekha hai