tez chalo

Ye kah raha hai dil-e-be-qaraar tez chalo Bahut udaas hain zanjeer o daar tez chalo Jo thak ga.e hain unhen gard-e-raah rehne do Kisee kaa ab na karo intizaar tez chalo Khizaan kee shaam kahaan tak rahegee saaya-fagan Bahut qareeb hai sub.h-e-bahaar tez chalo Tumhee se khauf-zada hain zameen o zar vaale Tumhee ho chashm-e-sitam-gar pe baar tez chalo Karo khuloos o mohabbat ko rahnumaa apna Naheen durust dilon men ghubaar tez chalo Bahut hain ham men yahaan log guftugoo-pesha Hai un kaa sirf yahee kaarobaar tez chalo Khirad kee sust-ravee se kise milee manzil Junoon hee ab to karo ikhtiyaar tez chalo Ye kah raha hai dil-e-be-qarar tez chalo Bahut udas hain zanjir o dar tez chalo Jo thak gae hain unhen gard-e-rah rehne do Kisi ka ab na karo intizar tez chalo KHizan ki sham kahan tak rahegi saya-fagan Bahut qarib hai subh-e-bahaar tez chalo Tumhi se KHauf-zada hain zamin o zar wale Tumhi ho chashm-e-sitam-gar pe bar tez chalo Karo KHulus o mohabbat ko rahnuma apna Nahin durust dilon mein ghubar tez chalo Bahut hain hum mein yahan log guftugu-pesha Hai un ka sirf yahi karobar tez chalo KHirad ki sust-rawi se kise mili manzil Junun hi ab to karo iKHtiyar tez chalo