us ne jab hans ke namaskaar kiyaa
— Habib Jalib
Us ne jab hans ke namaskaar kiyaa
Mujh ko insaan se autaar kiyaa
Dasht-e-ghurbat men dil-e-veeraan ne
Yaad jamunaa ko ka.ee baar kiyaa
Pyaar kee baat na poochho yaaro
Ham ne kis kis se nahin pyaar kiyaa
Kitnee khvaabeeda tamannaaon ko
Us kee awaaz ne bedaar kiyaa
Ham pujaaree hain buton ke 'jaalib'
Ham ne ka.abe men bhee iqraar kiyaa
Us ne jab hans ke namaskar kiya
Mujh ko insan se autar kiya
Dasht-e-ghurbat mein dil-e-viran ne
Yaad jamuna ko kai bar kiya
Pyar ki baat na puchho yaro
Hum ne kis kis se nahin pyar kiya
Kitni KHwabida tamannaon ko
Us ki aawaz ne bedar kiya
Hum pujari hain buton ke 'jalib'
Hum ne kabe mein bhi iqrar kiya