vatan ko kuch nahin khatra nizaam e zar hai khatre men

Vatan ko kuch nahin khatra nizaam-e-zar hai khatre men Haqeeqat men jo rahzan hai vahee rahbar hai khatre men Jo baiThaa hai saf-e-maatam bichhaa.e marg-e-zulmat par Vo nauhagar hai khatre men wo daanish-var hai khatre men Agar tashveesh laahaq hai to sultaanon ko laahaq hai Na teraa ghar hai khatre men na meraa ghar hai khatre men Jahaan 'iqbaal' bhee nazr-e-khat-e-tanseekh ho 'jaalib' Vahaan tujh ko shikaayat hai tiraa jauhar hai khatre men Watan ko kuch nahin KHatra nizam-e-zar hai KHatre mein Haqiqat mein jo rahzan hai wahi rahbar hai KHatre mein Jo baiTha hai saf-e-matam bichhae marg-e-zulmat par Wo nauhagar hai KHatre mein wo danish-war hai KHatre mein Agar tashwish lahaq hai to sultanon ko lahaq hai Na tera ghar hai KHatre mein na mera ghar hai KHatre mein Jahan 'iqbaal' bhi nazr-e-KHat-e-tansiKH ho 'jalib' Wahan tujh ko shikayat hai tera jauhar hai KHatre mein