wo dekhne mujhe aanaa to chaahtaa hogaa

Wo dekhne mujhe aanaa to chaahtaa hogaa Magar zamaane kee baaton se Dar gaya hogaa Use tha shauq bahut mujh ko achchhaa rakhne kaa Ye shauq auron ko shaayad buraa lagaa hogaa Kabhee na hadd-e-adab se baDhe the diida o dil Vo mujh se kis liye kis baat par khafaa hogaa Mujhe gumaan hai ye bhee yaqeen kee had tak Kisee se bhee na wo meree tarah milaa hogaa Kabhee kabhi to sitaaron kee Chaaon men wo bhee Mire khayaal men kuch der jaagtaa hogaa Vo us kaa saada o ma.asoom vaalihaana-pan Kisee bhee jug men koi devtaa bhee kya hogaa Naheen wo aayaa to 'jaalib' gila na kar us kaa Na-jaane kya use darpesh mas.ala hogaa Wo dekhne mujhe aana to chahta hoga Magar zamane ki baaton se Dar gaya hoga Use tha shauq bahut mujh ko achchha rakhne ka Ye shauq auron ko shayad bura laga hoga Kabhi na hadd-e-adab se baDhe the dida o dil Wo mujh se kis liye kis baat par KHafa hoga Mujhe guman hai ye bhi yaqin ki had tak Kisi se bhi na wo meri tarah mila hoga Kabhi kabhi to sitaron ki chhanw mein wo bhi Mere KHayal mein kuch der jagta hoga Wo us ka sada o masum walihana-pan Kisi bhi jug mein koi dewta bhi kya hoga Nahin wo aaya to 'jalib' gila na kar us ka Na-jaane kya use darpesh masala hoga