yuun wo zulmat se raha dast o garebaan yaaro

Yuun wo zulmat se raha dast-o-garebaan yaaro Us se larzaan the bahut shab ke nigahbaan yaaro Us ne har-gaam diyaa hausla-e-taaza hamen Vo na ik pal bhee raha ham se gurezaan yaaro Us ne maanee na kabhi teergee-e-shab se shikast Dil andheron men raha us kaa farozaan yaaro Us ko har haal men jiine kee adaa aatee thee Vo na haalaat se hota tha pareshaan yaaro Us ne baatil se na taa-zeest kiyaa samjhauta Dahr men us saa kahaan saahab-e-eemaan yaaro Us ko thee kashmakash-e-dair-o-haram se nafrat Us saa hindoo na koi us saa musalmaan yaaro Us ne sultaanee-e-jamhoor ke naghme likkhe Ruuh shaahon kee rahi us se pareshaan yaaro Apne ash.aar kee sham.on se ujaalaa kar ke Kar gaya shab kaa safar kitnaa wo aasaan yaaro Us ke geeton se zamaane ko sanvaaren yaaro Rooh-e-'saahir' ko agar karnaa hai shaadaan yaaro Yun wo zulmat se raha dast-o-gareban yaro Us se larzan the bahut shab ke nigahban yaro Us ne har-gam diya hausla-e-taza hamein Wo na ek pal bhi raha hum se gurezan yaro Us ne mani na kabhi tirgi-e-shab se shikast Dil andheron mein raha us ka farozan yaro Us ko har haal mein jine ki ada aati thi Wo na haalat se hota tha pareshan yaro Us ne baatil se na ta-zist kiya samjhauta Dahr mein us sa kahan sahab-e-iman yaro Us ko thi kashmakash-e-dair-o-haram se nafrat Us sa hindu na koi us sa musalman yaro Us ne sultani-e-jamhur ke naghme likkhe Ruh shahon ki rahi us se pareshan yaro Apne ashaar ki shamon se ujala kar ke Kar gaya shab ka safar kitna wo aasan yaro Us ke giton se zamane ko sanwaren yaro Ruh-e-'sahir' ko agar karna hai shadan yaro