zaabta ye zaabta hai ki baatil ko mat kahuun baatil

Ye zaabta hai ki baatil ko mat kahoon baatil Ye zaabta hai ki girdaab ko kahoon saahil Ye zaabta hai banoon dast-o-baazoo-e-qaatil Ye zaabta hai dhDaknaa bhee chhoD de ye dil Ye zaabta hai ki gham ko na gham kahaa jaa.e Ye zaabta hai sitam ko karam kahaa jaa.e Bayaan karoon na kabhi apne dil kee haalat ko Na laa.oon lab pe kabhi shikva-o-shikaayat ko Kamaal-e-husn kahoon aib ko jahaalat ko Kabhee jagaa.oon na soee huee adaalat ko Ye zaabta hai haqeeqat ko ik fasaana kahoon Ye zaabta hai qafas ko hee aashiyaana kahoon Ye zaabta hai kahoon dasht ko gulistaan-zaar Khizaan ke ruup ko likkhoon farogh-e-husn-e-bahaar Har ek dushman-e-jaan ko kahoon main hamdam-o-yaar Jo kaaTtee hai sar-e-haq wo chuum luun talvaar Khataa-o-jurm kahoon apnee be-gunaahee ko Sahar kaa nuur likhoon raat kee siyaahi ko Jo miTne vaale hain un ke liye davaam likhoon Sanaa yazeed kee aur shimr par salaam likhoon Jo Das raha hai vatan ko na us kaa naam likhoon Samajh saken na jise log wo kalaam likhoon Darogh-goee ko sachchaa.ee kaa payaam kahoon Jo raahzan hai use rahbar-e-avaam kahoon Mire junoon ko na pahnaa sakoge tum zanjeer Na ho sakegaa kabhi tum se meraa zehn asiir Jo dekhtaa hoon jo sach hai karoongaa wo tahreer Mataa-e-har-do-jahaan bhee nahin bahaa-e-zameer Na de sakegee sahaaraa tumhen koi tadbeer Fanaa tumhaaraa muqaddar baqaa miree taqdeer Ye zabta hai ki baatil ko mat kahun baatil Ye zabta hai ki girdab ko kahun sahil Ye zabta hai banun dast-o-bazu-e-qatil Ye zabta hai dhDakna bhi chhoD de ye dil Ye zabta hai ki gham ko na gham kaha jae Ye zabta hai sitam ko karam kaha jae Bayan karun na kabhi apne dil ki haalat ko Na laun lab pe kabhi shikwa-o-shikayat ko Kamal-e-husn kahun aib ko jahaalat ko Kabhi jagaun na soi hui adalat ko Ye zabta hai haqiqat ko ek fasana kahun Ye zabta hai qafas ko hi aashiyana kahun Ye zabta hai kahun dasht ko gulistan-zar KHizan ke rup ko likkhun farogh-e-husn-e-bahaar Har ek dushman-e-jaan ko kahun main hamdam-o-yar Jo kaTti hai sar-e-haq wo chum lun talwar KHata-o-jurm kahun apni be-gunahi ko Sahar ka nur likhun raat ki siyahi ko Jo miTne wale hain un ke liye dawam likhun Sana yazid ki aur shimr par salam likhun Jo Das raha hai watan ko na us ka nam likhun Samajh saken na jise log wo kalam likhun Darogh-goi ko sachchai ka payam kahun Jo rahzan hai use rahbar-e-awam kahun Mere junun ko na pahna sakoge tum zanjir Na ho sakega kabhi tum se mera zehn asir Jo dekhta hun jo sach hai karunga wo tahrir Mata-e-har-do-jahan bhi nahin baha-e-zamir Na de sakegi sahaara tumhein koi tadbir Fana tumhaara muqaddar baqa meri taqdir