zarre hi sahii koh se takraa to gae ham

Zarre hee sahee koh se Takraa to ga.e ham Dil le ke sar-e-arsa-e-gham aa to ga.e ham Ab naam rahe yaa na rahe ishq men apna Roodaad-e-wafa daar pe dohraa to ga.e ham Kahte the jo ab koi nahin jaan se guzartaa Lo jaan se guzar kar unhen jhuTlaa to ga.e ham Jaan apnee ganvaa kar kabhi ghar apna jalaa kar Dil un kaa har ik taur se bahlaa to ga.e ham Kuchh aur hee aalam tha pas-e-chehra-e-yaaraan Rahtaa jo yoonhee raaz use paa to ga.e ham Ab soch rahe hain ki ye mumkin hee nahin hai Phir un se na milne kee qasam khaa to ga.e ham UTThen ki na uTThen ye razaa un kee hai 'jaalib' Logon ko sar-e-daar nazar aa to ga.e ham Zarre hi sahi koh se Takra to gae hum Dil le ke sar-e-arsa-e-gham aa to gae hum Ab nam rahe ya na rahe ishq mein apna Rudad-e-wafa dar pe dohra to gae hum Kahte the jo ab koi nahin jaan se guzarta Lo jaan se guzar kar unhen jhuTla to gae hum Jaan apni ganwa kar kabhi ghar apna jala kar Dil un ka har ek taur se bahla to gae hum Kuchh aur hi aalam tha pas-e-chehra-e-yaran Rahta jo yunhi raaz use pa to gae hum Ab soch rahe hain ki ye mumkin hi nahin hai Phir un se na milne ki qasam kha to gae hum UTThen ki na uTThen ye raza un ki hai 'jalib' Logon ko sar-e-dar nazar aa to gae hum