zulmat ko ziyaa sarsar ko sabaa bande ko khuda kya likhnaa zulmat ko ziyaa sarsar ko sabaa bande ko khuda kya likhnaa

Zulmat ko ziyaa sarsar ko sabaa bande ko khuda kya likhnaa Patthar ko guhar deevaar ko dar kargas ko humaa kya likhnaa Ik hashr bapaa hai ghar men dam ghuTtaa hai gumbad-e-be-dar men Ik shakhs ke haathon muddat se rusvaa hai vatan dunya-bhar men Ai deeda-varo is zillat ko qismat kaa likhaa kya likhnaa Zulmat ko ziyaa sarsar ko sabaa bande ko khuda kya likhnaa Ye ahl-e-hashm ye daaraa-o-jam sab naqsh bar-aab hain ai hamdam MiT jaa.enge sab parvarda-e-shab ai ahl-e-wafa rah jaa.enge ham Ho jaan kaa ziyaan par qaatil ko ma.asoom-adaa kya likhnaa Zulmat ko ziyaa sarsar ko sabaa bande ko khuda kya likhnaa Logon pe hee ham ne jaan vaaree kee ham ne hee unhee kee gham-khvaaree Hote hain to hon ye haath qalam shaa'ir na banenge darbaaree Iblees-numaa insaanon kee ai dost sanaa kya likhnaa Zulmat ko ziyaa sarsar ko sabaa bande ko khuda kya likhnaa Haq baat pe koDe aur zindaan baatil ke shikanje men hai ye jaan Insaan hain ki sahme baiThe hain khoonkhaar darinde hain raqsaan Is zulm-o-sitam ko lutf-o-karam is dukh ko davaa kya likhnaa Zulmat ko ziyaa sarsar ko sabaa bande ko khuda kya likhnaa Har shaam yahaan shaam-e-veeraan aaseb-zada raste galiyaan Jis shahr kee dhun men nikle the wo shahr dil-e-barbaad kahaan Sahraa ko chaman ban ko gulshan baadal ko ridaa kya likhnaa Zulmat ko ziyaa sarsar ko sabaa bande ko khuda kya likhnaa Ai mere vatan ke fankaaro zulmat pe na apna fan vaaro Ye mahl-saraaon ke baasee qaatil hain sabhee apne yaaro Virse men hamen ye gham hai milaa is gham ko nayaa kya likhnaa Zulmat ko ziyaa sarsar ko sabaa bande ko khuda kya likhnaa Zulmat ko ziya sarsar ko saba bande ko KHuda kya likhna Patthar ko guhar diwar ko dar kargas ko huma kya likhna Ek hashr bapa hai ghar mein dam ghuTta hai gumbad-e-be-dar mein Ek shaKHs ke hathon muddat se ruswa hai watan duniya-bhar mein Ai dida-waro is zillat ko qismat ka likha kya likhna Zulmat ko ziya sarsar ko saba bande ko KHuda kya likhna Ye ahl-e-hashm ye dara-o-jam sab naqsh bar-ab hain ai hamdam MiT jaenge sab parwarda-e-shab ai ahl-e-wafa rah jaenge hum Ho jaan ka ziyan par qatil ko masum-ada kya likhna Zulmat ko ziya sarsar ko saba bande ko KHuda kya likhna Logon pe hi hum ne jaan wari ki hum ne hi unhi ki gham-KHwari Hote hain to hon ye hath qalam sha'ir na banenge darbari Iblis-numa insanon ki ai dost sana kya likhna Zulmat ko ziya sarsar ko saba bande ko KHuda kya likhna Haq baat pe koDe aur zindan baatil ke shikanje mein hai ye jaan Insan hain ki sahme baiThe hain KHunKHar darinde hain raqsan Is zulm-o-sitam ko lutf-o-karam is dukh ko dawa kya likhna Zulmat ko ziya sarsar ko saba bande ko KHuda kya likhna Har sham yahan sham-e-viran aaseb-zada raste galiyan Jis shahr ki dhun mein nikle the wo shahr dil-e-barbaad kahan Sahra ko chaman ban ko gulshan baadal ko rida kya likhna Zulmat ko ziya sarsar ko saba bande ko KHuda kya likhna Ai mere watan ke fankaro zulmat pe na apna fan waro Ye mahl-saraon ke basi qatil hain sabhi apne yaro Wirse mein hamein ye gham hai mila is gham ko naya kya likhna Zulmat ko ziya sarsar ko saba bande ko KHuda kya likhna