ajab zamaane kii gardishen hain khudaa hii bas yaad aa rahaa hai

Ajab zamaane kee gardishen hain khudaa hee bas yaad aa rahaa hai Nazar na jis se milaate the ham vahee ab aankhen dikhaa rahaa hai BaDhee hai aapas men bad-gumaanee maza mohabbat kaa aa rahaa hai Ham us ke dil ko TaTolte hain to ham ko vo aazmaa rahaa hai Ghar apnaa kartee hai naa-umeedee hamaare dil men ghazab hai dekhiyo Ye vo makaan hai ki jis men barson umeedon kaa jamghaTaa rahaa hai Badal gayaa hai mizaaj un kaa main apne is jazb-e-dil ke sadqe Vahee shikaayat hai ab udhar se idhar jo pahle gila rahaa hai Kisee kee jab aas TuuT jaa.e to khaak vo aasraa lagaa.e Shikasta dil kar ke mujh ko zaalim nigaah ab kyaa milaa rahaa hai Yahaan to tark-e-sharaab se khud dil-o-jigar phunk rahe hain vaa.iz Sunaa ke dozakh kaa zikr-e-naahaq jale ko too bhee jalaa rahaa hai Karoon na kyuun husn kaa nazaara sunoon na kyuun ishq kaa fasaana Isee kaa to mashghala thaa barson isee kaa to valvala rahaa hai Umiid jab had se baDh ga.ee ho to haasil us kaa hai naa-umeedee Bhalaa na kyuun yaas daf.atan ho ki muddaton aasraa rahaa hai Mujhe tavaqqo.a ho kyaa khabar kee zabaan hai qaasid kee haath bhar kee Lagee havaa tak naheen udhar kee abhee se baaten banaa rahaa hai Zaraa yahaan jis ne sar uThaayaa ki us ne neechaa use dikhaayaa Koee bataa.e to ye zamaana kasee kaa bhee aashnaa rahaa hai 'hafeez' apnaa kamaal thaa ye ki jis ke haathon zavaal dekhaa Falak ne jitnaa hamen baDhaayaa ziyaada us se ghaTaa rahaa hai