but kada nazdiik kaaba duur thaa

But-kada nazdeek ka.aba duur thaa Main idhar hee rah gayaa majboor thaa Shaam hee se ham kaheen jaate the roz Muddaton apnaa yahee dastoor thaa Vo kiyaa jis men khushee thee aap kee Vo huaa jo aap ko manzoor thaa Kuchh adab se rah ga.e naale idhar Kyaa bataa.en arsh kitnee duur thaa Jis ghaDee thaa us ke jalve kaa zuhoor Arsh kaa ham-sang koh-e-toor thaa Ik haseen kaa aa gayaa jo tazkira Der tak mahfil men zikr-e-hoor thaa Vasl kee shab thee shab-e-me.araaj kyaa Duur tak phailaa huaa ik nuur thaa Har kas-o-naa-kas se kyaa miltee nigaah Apnee aankhon men but-e-maghroor thaa Umr bhar fikr-e-sukhan men thaa 'hafeez' Shaa.eree kaa dil men ik naasoor thaa