dil is liye hai dost ki dil men hai jaa e dost
— Hafeez Jaunpuri
Dil is liye hai dost ki dil men hai jaa-e-dost
Jab ye na ho baghal men hai dushman bajaa.e dost
MiTne kee aarzoo hai isee rahguzaar men
Itne miTe ki log kahen khaak-e-paa-e-dost
Taqreer kaa hai khaas adaa-e-bayaan men lutf
Suniye miree zabaan se kuchh maajraa-e-dost
Sab kuchh hai aur kuchh naheen aalam kee kaa.enaat
Duniyaa baraa.e dost hai uqbaa baraa.e dost