hue ishq men imtihaan kaise kaise

Hue ishq men imtihaan kaise kaise PaDe marhale darmiyaan kaise kaise Rahe dil men vahm-o-gumaan kaise kaise Saraa men Tike kaarvaan kaise kaise Ghar apnaa gham-o-dard samjhe hain dil ko Bane mezbaan mehmaan kaise kaise Shab-e-hijr baaten hain deevaar-o-dar se Mile hain mujhe raaz-daan kaise kaise Dikhaataa hai din-raat aankhon ko meree Siyaah-o-safed aasmaan kaise kaise Jo ka.abe se nikle jagah dair men kee Mile un buton ko makaan kaise kaise Farishte bhee ghaayal hain teer-e-adaa ke Nishaana hue be-nishaan kaise kaise Jo khanjar rukaa chaDh ga.ee un kee tevree Vo bigDe dam-e-imtihaan kaise kaise Idhar maut udhar vo dam-e-naz.a aa.e IkaTThaa hue mehrbaan kaise kaise Kabhee bijlee taDpee kabhee aandhee aa.ee BaDhe dushman-e-aashiyaan kaise kaise Mire jurm mahshar men kartee hai ifshaa Mire munh pe meree zabaan kaise kaise Mohabbat ke haathon hue zulm kyaa kyaa Ga.e jaan se naujavaan kaise kaise Nishaan miT ga.e naam phir bhee hain baaqee Javaan the tah-e-aasmaan kaise kaise Karoon yaad kis kis ko kis kis ko ro.uun 'hafeez' uTh ga.e mehrbaan kaise kaise