isii khayaal se tark un kii chaah kar na sake

Isee khayaal se tark un kee chaah kar na sake Kahenge log ki do din nibaah kar na sake Hamen jo dekh liyaa jhuk ga.ee hayaa se aankh Idhar-udhar sar-e-mahfil nigaah kar na sake Khudaa ke saamne aayaa kuchh is adaa se vo shokh Ki munh se uf bhee zaraa daad-khvaah kar na sake Tire karam kaa bharosaa hee zaahidon ko naheen Isee liye to ye khul kar nigaah kar na sake Rahaa ye paas hamen aap kee nazaakat kaa Ki dil kaa khuun huaa munh se aah kar na sake Tumhen 'hafeez' se nafrat hai to ye fikr hai kyuun Kisee haseen se vo rasm-o-raah kar na sake