jaan hii jaae to jaae dard e dil

Jaan hee jaa.e to jaa.e dard-e-dil Ik yahee hai ab davaa-e-dard-e-dil Ab taDapne men mazaa miltaa naheen Ho chalee jaan aashnaa-e-dard-e-dil Imtihaan-e-zabt hai manzoor aaj Jis qadar chaahe sataa.e dard-e-dil Bhaagtee hai duur jis se maut bhee Vo balaa hai ye balaa-e-dard-e-dil Rahm kab aayaa kisee be-dard ko Ho chukee jab intihaa-e-dard-e-dil Khaa ke kuchh so rahte hain hirmaan-naseeb Ek ye bhee hai davaa-e-dard-e-dil Ham mareezon kaa naheen mumkin ilaaj Laa-davaa hain mubtalaa-e-dard-e-dil Rahtee hai siine hee par tasveer-e-dost Hai ye ta.aveez ik baraa-e-dard-e-dil Rote rote bandh ga.ee hichkee 'hafeez' Jab kahaa kuchh maajraa-e-dard-e-dil