jab tak ki tabiiat se tabiiat nahiin miltii

Jab tak ki tabee'at se tabee'at naheen miltee Hon pyaar kee baaten bhee to lazzat naheen miltee Aaraam ghaDee-bhar kisee karvaT naheen miltaa Raahat kisee pahloo shab-e-furqat naheen miltee Jab tak vo khinche baiThe hain dil un se rukaa hai Jab tak naheen milte vo tabee'at naheen miltee Jiite hain to hotee hai un aankhon se nadaamat Marte hain to us lab se ijaazat naheen miltee Is zohd pe naazaan na ho zaahid se ye kah do Tasbeeh phiraane hee se jannat naheen miltee Kyaa DhoonDhte hain gor-e-ghareebaan men vo aa kar Kis Kushta-e-raftaar kee turbat naheen miltee Kis tarah mire ghar vo 'hafeez' aa.en ki un ko Ghairon kee mudaaraat se fursat naheen miltee