mohabbat kyaa badhii hai vahm baaham badhte jaate hain

Mohabbat kyaa baDhee hai vahm baaham baDhte jaate hain Ham un ko aazmaate hain vo ham ko aazmaate hain Na ghaTtee shaan-e-maashooqee jo aa jaate ayaadat ko Bure vaqton men achchhe log aksar kaam aate hain Jo ham kahte naheen munh se to ye apnee muravvat hai Churaanaa dil kaa zaahir hai ki vo aankhen churaate hain Samaan us bazm kaa barson hee guzraa hai nigaahon se Kab aise-vaise jalse apnee aankhon men samaate hain Kahaan tak imtihaan kab tak mohabbat aazmaaoge Unheen baaton se dil ahl-e-vafaa ke chhooT jaate hain Khumaar aankhon men baaqee hai abhee tak bazm-e-dushman kaa Tasadduq us DhiTaa.ee ke nazar ham se milaate hain Dil ik jins-e-giraan-maaya hai lekin aankh vaalon men Ye dekhen husn vaale is kee qeemat kyaa lagaate hain Kisee ke sar kee aafat ho hamaare sar hee aatee hai Kisee kaa dil koee taake magar ham choT khaate hain Ga.e vo din ki naame chaak hote the 'hafeez' apne Haseen ab to miree tahreer aankhon se lagaate hain