na aa jaae kisii par dil kisii kaa

Na aa jaa.e kisee par dil kisee kaa Na ho yaarab koee maa.il kisee kaa Lagaa ik haath bhee kyaa dekhtaa hai Kaheen karte hain Dar qaatil kisee kaa Adaa se us ne do baaten banaa kar Kisee kee jaan le lee dil kisee kaa UThaa jab dard-e-pahloo dil pukaaraa Naheen koee dam-e-mushkil kisee kaa Abhee jiinaa paDaa kuchh din hamen aur Talaa phir vaada-e-baatil kisee kaa Bahut aahista chilman ko uThaanaa Milen aankhen ki baiThaa dil kisee kaa 'hafeez' is tarah bharte ho jo aahen Dukhaaoge magar tum dil kisee kaa