sun ke mere ishq kii ruudaad ko

Sun ke mere ishq kee roodaad ko Log bhoole qais ko farhaad ko Ai nigaah-e-yaas ho teraa buraa Too ne taDpaa hee diyaa jallaad ko Baad mere uTh ga.ee qadr-e-sitam Ab taraste hain haseen bedaad ko Ik zaraa jhooTee tasallee hee sahee Kuchh to samjhaa do dil-e-naashaad ko Haa.e ye dard-e-jigar kis se kahoon Kaun suntaa hai miree fariyaad ko Jaa.enge duniyaa se sab kuchh chhoD kar Haan magar le kar kisee kee yaad ko Ab mujhe maanen na maanen ai 'hafeez' Maante hain sab mire ustaad ko