ye sab kahne kii baaten hain ki aisaa ho nahiin saktaa

Ye sab kahne kee baaten hain ki aisaa ho naheen saktaa Mohabbat men jo dil mil jaa.e phir kyaa ho naheen saktaa Shikaayat ho naheen saktee ki shikvaa ho naheen saktaa Zaraa saa chheD de koee to phir kyaa ho naheen saktaa Buraa.ee kaa evaz hargiz bhalaa.ee ho naheen saktee Buraa kah kar kisee ko koee achchhaa ho naheen saktaa Hamaaraa un kaa qissa log sunte hain to kahte hain Mazaa hai hashr tak yaksoo ye jhagDaa ho naheen saktaa Karen teree shikaayat kyaa ki too ik dost hai apnaa Kisee dushman kaa bhee ham se to shikvaa ho naheen saktaa Ilaahee jazb-e-dil kee is kashish se baaz aayaa main Koee parda-nasheen kahtaa hai parda ho naheen saktaa 'hafeez' un kee ghazal hai choT khaa baiThee hain jo dil par Baghair is ke sukhan men lutf paidaa ho naheen saktaa