zamaane kaa bharosaa kyaa abhii kuchh hai abhii kuchh hai

Zamaane kaa bharosaa kyaa abhee kuchh hai abhee kuchh hai Yahee hai rang duniyaa kaa abhee kuchh hai abhee kuchh hai Javaanee kee hai aamad husn kee har-dam taraqqee hai Tiree soorat tiraa naqsha abhee kuchh hai abhee kuchh hai Na aa.egaa qaraar us ko na mumkin hai qayaam us ko Hamaaraa dil tiraa va.ada abhee kuchh hai abhee kuchh hai Kabhee to justujoo us kee kabhee gum aap ho jaanaa Miree vahshat miraa saudaa abhee kuchh hai abhee kuchh hai Ghuroor-e-husn hai sar men khayaal-e-dilbaree dil men Dimaagh un kaa mizaaj un kaa abhee kuchh hai abhee kuchh hai Zaraa main mehrbaan honaa zaraa main jaan ke dushman Ajab dil hai haseenon kaa abhee kuchh hai abhee kuchh hai Tumhen kyuun is qadar gham hai 'hafeez' apnee tabaahee kaa Yahee duniyaa kaa hai naqsha abhee kuchh hai abhee kuchh hai