aae hain ham jahaan men gam le kar
— Hasrat Azimabadi
Aa.e hain ham jahaan men gham le kar
Dil-e-pur-khoon o chashm-e-nam le kar
Saaghar-e-mai kahaan hai ai gardoon
Kya karen teraa jaam-e-jam le kar
Va.ada aqsaam kar chukaa too khilaaf
Ab ke chhoDoongaa main qasam le kar
Us kee mahfil se kab uThegaa raqeeb
Ye sa.aadat-bhare qadam le kar
Tar-o-khushk-e-jahaan pe qaane rah
Dast-e-dauraan se besh-o-kam le kar
Sar se maaraa karen paDe apne
Go shahaan tabl aur alam le kar
Raah men teree zo.af se 'hasrat'
Chale har har qadam men dam le kar