chaahe so hamen kar tuu gunahgaar hain tere

Chaahe so hamen kar too gunahgaar hain tere Taqdeer thee apnee ki giraftaar hain tere Marte hain kabhi aa ke hamaaree bhee khabar le Aah ai but-e-bedard ye beemaar hain tere Naqd-e-dil-o-deen muft men de baiThenge aakhir Ham aashiq-e-muflis ki khareedaar hain tere Khwaish hai na bose kee na aaghosh se matlab Deedaar ke yaan sirf talabgaar hain tere Hai roo-e-zameen arsa-e-mahshar unhen har roz Jo dil-shuda-e-qaamat-o-raftaar hain tere Ham vasl men aur hijr men jalte rahe un se Kya daagh-e-jigar ye gul-e-rukhsaar hain tere Saugand hai 'hasrat' mujhe ejaaz-e-sukhan kee Ye sehr hain jaadoo hain na ash.aar hain tere