daaman hai meraa dasht kaa daamaan duusraa

Daaman hai meraa dasht kaa daamaan doosraa Meree tarah na phaaDe garebaan doosraa Yak-rang hoon main us gul-e-ra.anaa ke ishq men Bulbul na hoon ki DhoonDoon gulsitaan doosraa Thaa hee gham-e-firaaq milaa us men dard-e-rashk Muflis ke ghar men aayaa ye mehmaan doosraa Teree hayaa-e-chashm saa dekhaa nahin raqeeb Yaan ehtiyaaj kya hai nigahbaan doosraa Uryaan-tanon ke sar pe tiree khaak-e-koo rahe Dar-kaarvaan nahin sar-o-saamaan doosraa Kiije zameer-e-khaak ko aadam kee chhaan agar Us shakl kaa ban aave na insaan doosraa Joo-ul-baqar rakhe ye shaikh-e-shikam-parast Ik khvaan khaa kahe hai kahaan khvaan doosraa Sair-e-ajab rakhe hai tiree jalva-gaah-e-naaz Is lutf kaa kahaan hai khyaabaan doosraa Naqd-e-dil us ko denaa hai 'hasrat' savaab o farz Us zulf saa na hogaa pareshaan doosraa