dil ne paayaa jo mire muzhda tirii paatii kaa

Dil ne paayaa jo mire muzhda tiree paatee kaa Munh phiraa soo-e-badan jaan-e-ba-lab aatee kaa Yuun to ai yaar-e-dil-afroz too sab kaa hai vale Daagh jaan-soz niraayaa hai miree chhaatee kaa Dil dam-e-aah-e-sahar-khez chalaa jaataa hai Mutribaa chup hai too kyuun vaqt hai parbhaatee kaa Dil-e-afsurda ko hai soz-e-daroon se kya rabt Kaam kya khaana-e-veeraan men diye-baatee kaa Is jahaan men sifat-e-ishq se mausoof hain ham Na karo aib hamaare hunar-e-zaatee kaa Yaar sun sun ke sab ahvaal-e-kharaab-e-'hasrat' Bolaa kya kaam hai yaan aise kharaabaatee kaa