hai yaad tujh se meraa wo sharh e haal denaa

Hai yaad tujh se meraa wo sharh-e-haal denaa Aur sun ke teraa us ko hans hans ke Taal denaa Kar kar ke yaad us kee behaal hoon nihaayat Fursat zaraa too mujh ko too ai khayaal denaa Us zulf-e-kaj ke 'uqde hargiz khule na mujh par Kyuun us ko shaana kar ke ek ek baal denaa Main mudda'aa ko apne mahmil kahoon hoon tujh se Gosh-e-dil apna eedhar saahib-jamaal denaa Is 'umr bhar men tujh se maangaa hai ek bosa Khaalee paDe na pyaare meraa savaal denaa Ham se rukhaa.iyaan aur munh jhulse mudda'ee kaa Bosa pe bosa har dam duun be-savaal denaa Yaa-rab kisee pe hargiz 'aashiq koi na ho jo Dil haath dilbaron ke hai bad-ma.aal denaa Wo mehrbaan ki ham ko altaaf-e-bar-mahal se Paas apne se thaa us ko uThne muhaal denaa Dekhe hai duur se to kahtaa hai be-muravvat Ye kaun aa ghusaa hai is ko nikaal denaa Qaaboo hai teraa 'hasrat' mat chhoD mudda'ee ko Dushman ko maslahat niin hargiz majaal denaa