ham aap ko to ishq men barbaad karenge
— Hasrat Azimabadi
Ham aap ko to ishq men barbaad karenge
Taaseer-e-wafa par tujhe kya yaad karenge
Yaan sakht dilon men nahin hamdam koi apna
Jaa koh men farhaad ko fariyaad karenge
Mahroom na rakkhegaa hamen ishq-e-butaan se
Go daad na den kushta-e-bedaad karenge
Ai daur-e-falak mujh ko qasam sar kee hai apne
Ham shaad kabhi ye dil-e-naashaad karenge
Gar silsila-e-ishq men farzand-e-khalaf hain
Ham khaana-kharaabee kaa ghar aabaad karenge
Kab pairavi-e-qais karen ishq o junoon men
Is fan men Kuch apna hee ham eejaad karenge
Ho halqa-ba-gosh aah-o-fughaan kaa miree majnoon
Jab kaan pakaD yaad ham ustaad karenge
'hasrat' yoonhee aakhir huee ye fasl bhee gul kee
Kab kunj-e-qafas se hamen aazaad karenge