ham ishq sivaa kam hain kisi naam se vaaqif

Ham 'ishq sivaa kam hain kisee naam se vaaqif Na kufr ke mahram hain na islaam se vaaqif Talqeen kare 'arz-e-tamannaa hamen us se Mahram nahin hai us but-e-khud-kaam se vaaqif Wo daur-e-visaal aah kidhar hai ki ham aur wo Dunya men na the naama-o-paighaam se vaaqif Kya poochho ho ham se ravish-e-baagh-o-chaman ko Ham to rahe kunj-e-qafas-o-daam se vaaqif Sheereenee-e-bosa se mazaaq us kaa ho phir talkh 'aashiq jo huaa lazzat-e-dushnaam se vaaqif Bad-naam na kar 'ishq ko jaa kaam kar apna Hai ahl-e-havas too nahin is kaam se vaaqif Aaghaaz-e-mohabbat ke maze ne kiyaa ghaafil Ab tak na the ham us ke bad-anjaam se vaaqif