husn ko us ke khat kaa daag lagaa
— Hasrat Azimabadi
Husn ko us ke khat kaa daagh lagaa
Par hamen to bahaar o baagh lagaa
Ghar se juun maah-e-be-hijaab nikal
Ab to ai sham.a-roo charaagh lagaa
Baadshahon kee bazm-e-ishrat se
Apna mat gosha-e-faraagh lagaa
Aatisheen ashk ek dam jo thamaa
Khaana-e-deeda be-charaagh lagaa
Le khabar ab too saaqee-e-sar-e-dast
Khushk hone miraa dimaagh lagaa
Kis ko ye khoon-e-dil milee daulat
Us ke honTon se jaa ayaagh lagaa
Dil-e-gum-gashta kaa mire 'hasrat'
Lag sake to kaheen suraagh lagaa